社會事件頻發 警力不足治安出問題?？！
連續兩日有金行搶劫案！上星期日（1日）下午，土瓜灣道245號嘅一間珠寶金行比4個蒙面男子打劫，金行冇咗至少200萬財物；而相隔左19個鐘之後，琴日朝（2日）長沙灣青山道282號地下一間珠寶店又再比2個男子行劫，今次損失咗大約300萬財物；
連續2日有搶劫案（仲要兩個地方都係當眼位置嚟），警方喺記者會上當然走唔甩啦！佢哋直認近日社區警力有減少，亦引述咗數據指最近搶劫案數字有上升趨勢：上年全年有147單搶劫案，平均2至3日就有1單；但今年10月單月睇就已經有28單，姐喺平均每日就有1單，數字相當驚人?！
今次兩單打劫案都好彩冇人受傷咋?，希望警力可以分配平均，社會可以回復秩序！
（小編喵喵子?）
